Ритуал подношения Учителю и Собранию Древа Прибежища на тибетском

ཨོཾ་ ཨཱཿ ཧཱུྃ ལན་གསུམ།

• ངོ་བོ་ཡེ་ཤེས་ལ་རྣམ་པ་ནང་མཆོད་དང་མཆོད་རྫས།
• སོ་སོའི་རྣམ་པ་བྱེད་ལས་དབང་པོ་དྲུག་གི་སྤྱོད་ཡུལ་དུ།
• བདེ་སྟོང་གི་ཡེ་ཤེས་ཁྱད་པར་ཅན་བསྐྱེད་པས།
• ས་དང་བར་སྣང་ནམ་མཁའི་ཁྱོན་ཐམས་ཅད།
• ཡོངས་སུ་ཁྱབ་པས་ཕྱི་ནང་གསང་བའི་མཆོད་སྤྲིན་དམ་རྫས།
• སྤྱན་གཟིགས་བསམ་གྱིས་མི་ཁྱབ་པས་གང་བར་གྱུར།
• རང་ལྷའི་རྣལ་འབྱོར་དང་ལྡན་པའི་སྒོ་ནས།

• ཨེ་མ་ཧ ཡེ་ཤེས་རོལ་པ་ཆེ།
• ཞིང་ཁམས་ཐམས་ཅད་རྡོ་རྗེའི་ཞིང་།
• གནས་རྣམས་རྡོ་རྗེའི་ཕོ་བྲང་ཆེ།
• ཀུན་བཟང་མཆོད་སྤྲིན་རྒྱ་མཚོ་འབར།
• ལོངས་སྤྱོད་འདོད་དགུའི་དཔལ་དང་ལྡན།
• བཅུད་རྣམས་དཔའ་བོ་དཔའ་མོ་དངོས།
• མ་དག་འཁྲུལ་བའི་མིང་ཡང་མེད།
• དག་པ་རབ་འབྱམས་འབའ་ཞིག་གོ།

• ཧཱུྃ སྤྲོས་ཀུན་ཉེར་ཞི་ཆོས་སྐུའི་དང །
• རླུང་མེ་གཡོ་ཞིང་འབར་བའི་སྟེང་།
• མི་མགོའི་སྒྱེད་བུ་གསུམ་གྱི་ཁར།

• ཨཱཿ མཚན་ལྡན་ཐོད་པ་ཀ་པཱ་ལར།

• ཨོཾ་ རྫས་རྣམས་སོ་སོར་སྦར་བར་གྱུར།

• དེ་དག་སྟེང་གནས་ ཨོཾ་ ཨཱཿ ཧཱུྃ།
• ཁ་དོག་གཟི་བརྗིད་སོ་སོར་འབར།
• རླུང་གཡོས་མེ་འབར་རྫས་རྣམས་ཞུ།
• ཁོལ་བས་རླངས་པ་ཆེར་གཡོས་པས།
• ཡི་གེ་གསུམ་ལས་འོད་ཟེར་ཚོགས།
• ཕྱོགས་བཅུར་འཕྲོས་པས་རྡོ་རྗེ་གསུམ།
• བདུད་རྩིར་བཅས་རྣམས་སྤྱན་དྲངས་ནས།
• སོ་སོར་ཡི་གེ་གསུམ་ཐིམ་པས།
• བདུད་རྩིར་ཞུ་ནས་བཅུད་དང་འདྲེས།
• སྦྱངས་རྟོགས་སྦར་བྱས་ ཨེ་མ་ཧོ།
• འདོད་དགུའི་དཔལ་འབར་རྒྱ་མཚོར་གྱུར།

ཨོཾ་ ཨཱཿ ཧཱུྃ ལན་གསུམ།

• ཐུགས་རྗེའི་བདག་ཉིད་རྩ་བརྒྱུད་བླ་མ་དང་།
• ཡི་དམ་ལྷ་ཚོགས་སྐྱབས་གནས་དཀོན་མཆོག་གསུམ།
• དཔའ་བོ་མཁའ་འགྲོ་ཆོས་སྐྱོང་སྲུང་མའི་ཚོགས།
• སྤྱན་འདྲེན་མཆོད་པའི་གནས་འདིར་གཤེགས་སུ་གསོལ།
• ཕྱི་ནང་གསང་བའི་མཆོད་སྤྲིན་རྒྱ་མཚོའི་དབུས།
• རིན་ཆེན་ལས་གྲུབ་མཛེས་པའི་གདན་ཁྲི་ལ།
• ཞབས་སེན་འོད་ཆགས་བརྟན་པར་བཞུགས་ནས་ཀྱང་།
• གྲུབ་མཆོག་བདག་ལ་འདོད་དགུའི་དངོས་གྲུབ་སྩོལ།

• དེ་ནས་ཚོགས་མཆོད་འབུལ་བ་ནི། ལས་ཀྱི་རྡོ་རྗེས་ཕུད་རྣམས།
• བསྡུས་ཏེ་སྣོད་དུ་བསགས་ནས་མདུན་སོགས་ཀྱི་སྟེང་དུ་བཞག་སྟེ།
• ཕྱག་གསུམ་བཅོལ་ནས།

• དཔའ་བོ་ཆེན་པོ་ཚོགས་དང་པོ་བྱིན་གྱིས་བརླབ་ཏུ་གསོལ།
• ནས་ལྔ་པའི་བར་དེ་བཞིན་དུ་ཚོགས་ལྷག་མའི་བར་རེ་རེ་ལ་དེ་ལྟར་བྱའོ།།
• སློབ་དཔོན་གྱིས་གཙོ་མཛད་རིག་པ་འཛིན་པ་རྣམས་ཀྱི་མགྲིན་གཅིག་ཏུ།
• ཧོ་ཏིང་འཛིན་སྔགས་དང་ཕྱག་རྒྱས་བྱིན་བརླབས་པའི།
• ཟག་མེད་བདུད་རྩིའི་ཚོགས་མཆོད་རྒྱ་མཚོ་འདི།
• རྩ་བརྒྱུད་བླ་མའི་ཚོགས་རྣམས་མཉེས་ཕྱིར་འབུལ།
• ཨོཾ་ ཨཱཿ ཧཱུྃ།
• འདོད་དགུའི་དཔལ་ལ་རོལ་པས་ཚིམ་མཛད་ནས།
• ཨེ་མ་ཧོ་བྱིན་རླབས་ཆར་ཆེན་དབབ་ཏུ་གསོལ།

• དཔའ་བོ་ཆེན་པོ་ཚོགས་གཉིས་པ་བྱིན་གྱིས་བརླབ་ཏུ་གསོལ།
• ཧོ་ཏིང་འཛིན་སྔགས་དང་ཕྱག་རྒྱས་བྱིན་བརླབས་པའི།
• ཟག་མེད་བདུད་རྩིའི་ཚོགས་མཆོད་རྒྱ་མཚོ་འདི།
• ཡི་དམ་ལྷ་ཚོགས་འཁོར་བཅས་མཉེས་ཕྱིར་འབུལ།
• ཨོཾ་ ཨཱཿ ཧཱུྃ།
• འདོད་དགུའི་དཔལ་ལ་རོལ་པས་ཚིམ་མཛད་ནས།
• ཨེ་མ་ཧོ་དངོས་གྲུབ་ཆར་ཆེན་དབབ་ཏུ་གསོལ།

• དཔའ་བོ་ཆེན་པོ་ཚོགས་གསུམ་པ་བྱིན་གྱིས་བརླབ་ཏུ་གསོལ།
• ཧོ་ཏིང་འཛིན་སྔགས་དང་ཕྱག་རྒྱས་བྱིན་བརླབས་པའི།
• ཟག་མེད་བདུད་རྩིའི་ཚོགས་མཆོད་རྒྱ་མཚོ་འདི།
• དཀོན་མཆོག་རིན་ཆེན་ཚོགས་རྣམས་མཉེས་ཕྱིར་འབུལ།
• ཨོཾ་ ཨཱཿ ཧཱུྃ།
• འདོད་དགུའི་དཔལ་ལ་རོལ་པས་ཚིམ་མཛད་ནས།
• ཨེ་མ་ཧོ་དམ་ཆོས་ཆར་ཆེན་དབབ་ཏུ་གསོལ།

• དཔའ་བོ་ཆེན་པོ་ཚོགས་བཞི་པ་བྱིན་གྱིས་བརླབ་ཏུ་གསོལ།
• ཧོ་ཏིང་འཛིན་སྔགས་དང་ཕྱག་རྒྱས་བྱིན་བརླབས་པའི།
• ཟག་མེད་བདུད་རྩིའི་ཚོགས་མཆོད་རྒྱ་མཚོ་འདི།
• མཁའ་འགྲོ་ཆོས་སྐྱོང་ཚོགས་རྣམས་མཉེས་ཕྱིར་འབུལ།
• ཨོཾ་ ཨཱཿ ཧཱུྃ།
• འདོད་དགུའི་དཔལ་ལ་རོལ་པས་ཚིམ་མཛད་ནས།
• ཨེ་མ་ཧོ་ཕྲིན་ལས་ཆར་ཆེན་དབབ་ཏུ་གསོལ།

• དཔའ་བོ་ཆེན་པོ་ཚོགས་ལྔ་པ་བྱིན་གྱིས་བརླབ་ཏུ་གསོལ།
• ཧོ་ཏིང་འཛིན་སྔགས་དང་ཕྱག་རྒྱས་བྱིན་བརླབས་པའི།
• ཟག་མེད་བདུད་རྩིའི་ཚོགས་མཆོད་རྒྱ་མཚོ་འདི།
• མ་གྱུར་སེམས་ཅན་ཚོགས་རྣམས་མཉེས་ཕྱིར་འབུལ།
• ཨོཾ་ ཨཱཿ ཧཱུྃ།
• འདོད་དགུའི་དཔལ་ལ་རོལ་པས་ཚིམ་མཛད་ནས།
• ཨེ་མ་ཧོ་འཁྲུལ་སྣང་སྡུག་བསྔལ་ཞི་གྱུར་ཅིག།

• དེ་ནས་གནམ་ཕུད་བཅད་དེ་གཏོར།
• དེ་ནས་ལས་ཀྱི་རྡོ་རྗེས་སློབ་དཔོན་ལ་འབུལ་བ་ནི།

• ཨེ་མ་ཧོ་ཚོགས་ཀྱི་འཁོར་ལོ་ཆེ།
• དུས་གསུམ་བདེ་གཤེགས་གཤེགས་ཤུལ་ཏེ།
• དངོས་གྲུབ་མ་ལུས་འབྱུང་བའི་གནས།
• དེ་ལྟར་ཤེས་ནས་དཔའ་བོ་ཆེ།
• རྣམ་པར་རྟོག་པའི་སེམས་བོར་ནས།
• ཚོགས་ཀྱི་འཁོར་ལོར་རྒྱུན་དུ་རོལ།
• ཨ་ལ་ལ་ཧོ།

• སློབ་དཔོན་ལ་ཕུལ་དང་སློབ་དཔོན་གྱིས།

• །ཨོཾ རྡོ་རྗེ་གསུམ་དབྱེར་མེད་པའི་བདག།
• །ཨཱཿ ཟག་མེད་ཡེ་ཤེས་བདུད་རྩི་འདི།
• །ཧཱུྃ བྱང་ཆུབ་སེམས་ལས་གཡོ་མེད་པར།
• །ལུས་གནས་ལྷ་རྣམས་ཚིམ་ཕྱིར་རོལ།
• །ཨ་ཧོ་མ་ཧཱ་སུ་ཁ།

• དེ་ནས་ལྷག་གཏོར་རྣམས།

• །ཧཱུྃ མ་དག་འཁྲུལ་སྣང་དབྱིངས་སུ་དག།
• །ཨཱཿ ཡེ་ཤེས་ལས་གྲུབ་བདུད་རྩི་ཆེ།
• །ཨོཾ འདོད་དགུའི་རྒྱ་མཚོ་ཆེན་པོར་གྱུར།

• ཨོཾ་ ཨཱཿ ཧཱུྃ ལན་གསུམ།

• ཧོ་ཏིང་འཛིན་སྔགས་དང་ཕྱག་རྒྱས་བྱིན་བརླབས་པའི།
• ཟག་མེད་བདུད་རྩིའི་ཚོགས་ལྷག་རྒྱ་མཚོ་འདི།
• དམ་ཅན་ཞིང་སྐྱོང་ཚོགས་རྣམས་མཉེས་ཕྱིར་འབུལ།
• ཨོཾ་ ཨཱཿ ཧཱུྃ།
• འདོད་དགུའི་དཔལ་ལ་རོལ་པས་ཚིམ་མཛད་ནས།
• ཨེ་མ་ཧོ་རྣལ་འབྱོར་ཕྲིན་ལས་ཚུལ་བཞིན་སྒྲུབས།

• ཧོ་ལྷག་མའི་མགྲོན་རྣམས་འཁོར་བཅས་ཀྱིས།
• ཚོགས་ལྷག་རྒྱ་མཚོ་འདི་བཞེས་ལ།
• བསྟན་པ་རིན་ཆེན་རྒྱས་པ་དང་།
• བསྟན་འཛིན་ཡོན་མཆོད་འཁོར་བཅས་དང་།
• ཁྱད་པར་རྣལ་འབྱོར་བདག་ཅག་ལ།
• ནད་མེད་ཚེ་དང་དབང་ཕྱུག་དང་།
• དཔལ་ལྡན་གྲགས་དང་བསྐལ་པ་བཟང་།
• ལོངས་སྤྱོད་རྒྱ་ཆེན་ཀུན་ཐོབ་ཅིང་།
• ཞི་དང་རྒྱས་ལ་སོགས་པ་ཡི།
• ལས་ཀྱི་དངོས་གྲུབ་བདག་ལ་སྩོལ།
• དམ་ཚིག་ཅན་གྱིས་བདག་ལ་སྲུངས།
• དངོས་གྲུབ་ཀུན་གྱིས་སྡོངས་གྲོགས་མཛོད།
• དུས་མིན་འཆི་དང་ནད་རྣམས་དང་།
• གདོན་དང་བགེགས་རྣམས་མེད་པར་མཛོད།
• རྨི་ལམ་ངན་དང་མཚན་མ་ངན།
• བྱ་བྱེད་ངན་བ་མེད་པར་མཛོད།
• འཇིག་རྟེན་བདེ་ཞིང་ལོ་ལེགས་དང་།
• འབྲུ་རྣམས་འཕེལ་ཞིང་ཆོས་འཕེལ་དང་།
• བདེ་ལེགས་ཕུན་སུམ་ཚོགས་པ་རྣམས།
• ཡིད་ལ་འདོད་པ་ཀུན་འགྲུབ་ཤོག།

• ཅེས་བརྗོད། མཁའ་གྲུབས་སངས་རྒྱས་ཡེ་ཤེས་ཀྱིས་མཛད་པའོ།།

• སྲིད་ཞིའི་རྣམ་དཀར་ཇི་སྙེད་དགེ་མཚན་གྱིས།
• དེང་འདིར་མི་ཤེས་རྒུད་པ་ཀུན་བྲལ་ཏེ།
• གནས་སྐབས་མཐར་ཐུག་དགེ་ལེགས་ནམ་མཁའི་མདོག།
• ཕུན་ཚོགས་དཔལ་ལ་རོལ་པའི་བཀྲ་ཤིས་ཤོག།

• ཀུན་མཁྱེན་བློ་བཟང་གྲགས་པའི་ཆོས་ཀྱི་སྲོལ།
• བསླབ་གསུམ་རྣམ་དག་རྩེ་གཅིག་སྒྲུབ་ལ་བརྩོན།
• རྣལ་འབྱོར་རབ་བྱུང་ཚོགས་ཀྱིས་ཡོངས་གང་བས།
• ཐུབ་བསྟན་ཡུན་དུ་གནས་པའི་བཀྲ་ཤིས་ཤོག།

• གཞོན་ནུའི་དུས་ནས་བླ་མ་ལྷ་ཚོགས་ལ།
• གསོལ་བ་བཏབ་པས་བློ་བཟང་གྲགས་པ་ཡི།
• བྱིན་རླབས་ཞུགས་ནས་གཞན་དོན་ལྷུན་གྱིས་གྲུབ།
• བློ་བཟང་རྡོ་རྗེ་འཆང་གི་བཀྲ་ཤིས་ཤོག།

• འདོད་དགུའི་འབྱོར་པ་དབྱར་གྱི་མཚོ་ལྟར་འཕེལ།
• སྐྱོན་མེད་རིགས་ཀྱི་འགྲོ་རྒྱུན་ཆད་པ་མེད།
• ཉིན་མཚན་བློ་བཟང་དམ་པའི་ཆོས་ཀྱིས་འདའ།
• ཕུན་ཚོགས་དཔལ་ལ་རོལ་པའི་བཀྲ་ཤིས་ཤོག།

• བདག་སོགས་རྣམས་ཀྱིས་དེང་ནས་བྱང་ཆུབ་བར།
• བགྱིས་དང་བགྱིད་འགྱུར་དགེ་བ་ཅི་བསགས་པ།
• ཞིང་འདིར་རྗེ་བཙུན་དམ་པའི་གཟུགས་ཀྱི་སྐུ།
• འགྱུར་མེད་རྡོ་རྗེ་ལྟར་བརྟན་བཀྲ་ཤིས་ཤོག ། བཀྲ་ཤིས་།